校友會與本校師生迎新春，為預備文憑試的師弟師妹打氣。

校長、各位老師、各位校友, 大家好！ 我係校友會主席 楊嵩， 我同我家人恭喜大家，虎年行大運， 身體健康，財源廣進！！

校長、各位老師、各位校友，祝大家萬事如意，身體健康，我地係金鍵同宇晴！

各位師弟師妹，知道你哋係疫情下要準備公開試一啲都唔容易，欣賞你哋嘅努力同堅持！加油！我哋支持你

校長、各位老師以及師弟妹，

過去兩、三年，香港人經歷了前所未見的挑戰和難關，同時大家需要面對學習模式上的轉變和困難。

但是我們現時最需要的，相信是强大的心理能量！俗語語：「山不轉路轉，路不轉人轉，人不轉心轉。」我們的內心，絕對遠比我們想像最大得多！

希望我們能夠專注我們現在所能做的事，好好發掘和發揮我們的才能！相信自己，創造出意想不到的結果！

祝大家新年快樂、虎年進步、身體健康！

我係第二屆畢業生Kim Sir 

各位中六既師弟師妹，準備DSE既你地已經不容易，仲要面對疫情既影響一定好艱難，祝你哋可以迎難而上，努力堅持，亦要身心健康，我地係校友會嘅Kitty 和David 。

敬愛嘅老師、各位師弟師妹，最近係新聞都見到香港嘅疫情情況嚴重，每日都有唔同嘅應對措施，不斷變化。喺呢個不安定嘅時代，祝願各位師弟師妹迎難而上，繼續努力，事事順利，馬到功成，我係鄭中畢業嘅阿蘇，而家係蘇小妹同小小蘇嘅爸爸

校長、各位老師、各位校友、各位同學，大家好！我係校友會顧問老師譚卓嘉老師，我同我全家人恭喜大家初七人日，人人生日快樂！龍精虎猛！百毒不侵！

各位校友、校長、老師、師弟師妹你哋好，我係劉婥瑩老師，亦係你哋師姐。祝大家在疫情下仍然虎虎生威！龍精虎猛！有困難時不妨多找身邊人傾訴

校長、各位老師、各位校友和同學仔，大家好！我地係校友會呀冰和呀晶，我地祝大家虎年快樂，身體健康，事事順心如意！！！

校長、各位老師、各位校友、各位中六嘅同學，大家好！我地係校友阿信同阿昊加埋一齊就係「信號」啦！恭祝大家新年快樂啊！龍精虎猛！虎虎生威！最重要嘅係 保持最佳狀態同精神應戰DSE！